Hyang Yesus Nyegerin Anak Lumpuh
178 Wenten cerita sujati saking Cakepan Sucine,
indik Hyang Yesus nyegerin anak lumpuh.
179 Risampune Hyang Yesus kagoda olih ratun para setane,
Ida ngawit ngajahin kapatutan saking Sang Hyang Tunggal.
Ring dina anu,
Hyang Yesus wenten ring desa,
wawengkon Galileane.
Ring desane punika,
sampun wenten anak akeh tur wenten pada guru-guru agama Ibrani irika.
Nah kenten taler,
wenten aseka anak sane makta anak lumpuh mrika.
Sekane punika lan anake lumpuh sampun madue kapracayaan ring Hyang Yesus prasida nyegerin anake sungkan.
Kenten taler,
Hyang Yesus uning anake punika madue kapracayaan.
Raris Hyang Yesus ngandika ring anake lumpuh punika,
180 “Cening,
dosan ceninge sampun kaampurayang.”
181 Nah drika raris guru-guru agama Ibranine melihang Hyang Yesus ring manahnyane sekadi puniki,
182 “Adi anake ene matuhang raga sareng Sang Hyang Tunggal?
Krana wantah Sang Hyang Tunggal sane sida ngampurayang dosa.”
183 Nanging Hyang Yesus uning napi daging manah guru-guru agama Ibranine punika.
Raris Hyang Yesus ngandika,
184 “Ngudake ragane mapineh jele tekening Tiang?
Tiang niki sane kapilih olih Sang Hyang Tunggal mangda ngraja ring manusane.
Tiang jagi muktiang,
Tiang madue kuasa ngampurayang dosa ring jagate puniki.”
Raris Hyang Yesus ngandika tekening anak sane lumpuh punika sekadi puniki,
185 “Cening,
bangun ja ceninge,
gulung tikehe,
raris budal.”
186 Nah,
rika raris anake sane lumpuh punika matangi tur ngulung tikehne luas budal.
Akeh anake drika nyaksiang paindikan punika pada angob lan ngagungang Sang Hyang Tunggal.